IDEALIST-ის პროექტების მთავარი ინსტრუმენტიპარტნიორების მოძიების პროგრამა 

 

მოგეხსენებათ, რომ ევროკომისიის ჩარჩო პროგრამები მეტად მნიშვნელოვან როლს ასრულებენ ევროპაში მეცნიერებისა და განსაკუთრებით ტექნოლოგიების განვითარების საქმეში. ამჟამად მიმდინარე ჩარჩო პროგრამის (ჰორიზონტი 2020) ბიუჯეტი 2014–2020 წლებში შეადგენს დაახლოებით 80 მილიარდ ევროს. ჩარჩო პროგრამებში მონაწილეობის მიღება ხდებოდა და მომავალშიც მოხდება ძირითადად კონსორციუმების საშუალებით, რომლებშიც გაერთიანებული არიან ევროპული სამეცნიერო დაწესებულებები, უნივერსიტეტები, არასამთავრობო ორგანიზაციები, კომპანიები, მცირე და საშუალო საწარმოები და სხვა. კონსორციუმის შექმნის პერიოდში დიდი მნიშვნელობა აქვს სამეცნიერო და პირად კონტაქტებს, რომლებიც განაპირობებს აღნიშნული კონსორციუმის შემადგენლობას. ეს განსაკუთრებით მნიშვნელოვანია ქართველი მეცნიერთათვის, რომლებიც ნაკლებად იცნობენ ევროპულ ორგანიზაციებს. კონსორციუმის შექმნას თან სდევს პროექტის მომზადება, შესაბამისი ფორმების შევსება, მხარეებს შორის სამეცნიერო და ფინანსური პასუხისმგებლობის გადანაწილება და სხვა.

ჩვენს მიერ წარმოდგენილი IDEALIST 2018 პროექტი (რომლის ლოკალური მენეჯერი საქართველოს მხრიდან არის  გ. ქოჩორაძე),  საშუალებას იძლევა  მოხდეს  ამ ამოცანის გადაწყვეტა ქართველი მეცნიერთათვის .. პარტნიორების მოძიების სისტემის (PS) გამოყენებით. პირველად ეს მექანიზმი ჩამოყალიბდა ევროკომისიის მე-4 ჩარჩო პროგრამაში მიმდინარე იდეალისტის პროექტში და მას შემდეგ განიცდის მუდმივ სრულყოფას. PS სისტემა დაფუძნებულია შემდეგ ძირითად ელემენტებზე: პროექტის ბაზისს წარმოადგენს ევროპის და პროექტში მონაწილე სხვა ქვეყნების ნაციონალური საკონტაქტო პირების ლოკალური კომპიუტერული ქსელი, რომელიც განაპირობებს ინფორმაციის სწრაფ გაცვლას საერთაშორისო თანამშრომლობის დამყარების მიზნით; PS არის მთლიანად კონტროლირებადი ნაციონალური ექსპერტებისა და ხარისხის სამსახურის მიერ - წარმოებს თითოეული შეთავაზების განხილვა და ანალიზი მისი გამოქვეყნების წინ, რითაც მოწმდება მისი კორექტულობა; ხდება არა მხოლოდ მარტივად მონაცემთა ბაზის შექმნა, არამედ იმ პოტენციალის ძებნა, რომელიც მნიშვნელოვანია და რომელსაც ელოდება ევროპელი მომხმარებელი; შეთავაზებული წინადადებები არიან სრულ შესაბამისობაში ევროკომისიის კონკურსების მოთხოვნებთან (Calls); PS პროგრამის მხარდაჭერა ხდება პროექტში მონაწილე ქვეყნების საკონტაქტო პირების მიერ, რომლებიც საჭიროების შემთხვევაში დახმარებას უწევენ თავისი ქვეყნის მკვლევარებს წინადადების ჩამოყალიბებაში და მათ განთავსებაში იდეალისტის საერთო ევროპულ ქსელში.

პროექტის საიტია:  www.ideal-ist.eu     

საიტის გახსნის შემდეგ გააქტიურეთ    Partner Search – ის ღილაკი.